1937-1938 жж саяси қуғын-сүргін құрбандарын еске алуға арналған тәрбиелік іс-шара өтті.

Оқушылардың отаншылдық сезімін арттыру мақсатында 1937-1938 жж саяси қуғын-сүргін құрбандарын еске алуға арналған тәрбиелік іс-шара өтті. Сабақ басында саяси қуғын-сүргін құрбандарын бір минут үнсіздікпен еске алдық. Іс-шара барысында оқушыларға репрессия кезінде құрбан болған " Алаш" партиясының көсемдері: Ә.Бөкейханов, А.Байтұрсынов, большевизмді Қазақстанда құрылуына ат салысқан халықшылдар: С.Сейфуллин, І.Жансүгіров, Б.Майлин, түрікшілдер: Т.Рысқұлов, Н.Төреқұлов, С.Қожанов сынды қайраткерлердің тағдыры таныстырылды. Сондай- ақ, оқушыларға " Қанмен жазылған хат" атты бейнеролик көрсетілді. Сабақ соңында оқушыларға сұрақтар қойылып, балалар өз пікірлерін білдірді.
Бас иіп тағзым етеміз Алаштың арыстарына!